「清潔」車票

轉貼有關「清潔飛」文章
尋日喺呢道： http://metroride.hk/SJSTChangeover 同大家分享左 D 罕見車票，
仲有一隻未介紹嘅就係「清潔飛」啦！


                                      ( 圖片引用自互聯網 / 版權為其擁有者所有 )

以前 Cassette 帶、錄影帶年代，機器都有「讀頭」去讀取磁帶嘅資料；日積
月累以後，錄影帶表面的磁粉，就會黏在「讀頭」上，當再睇帶時音質、畫質
就會好差，長遠甚至會整壞機 

於是就出現濕式 / 乾式的清潔用品，前者要先噴清潔藥水，再將專用的磁帶放入
機內；後者只需插帶入部機播下佢即可

「清潔飛」屬於乾式產品，當大家買完飛入唔到閘，換過飛用過其他閘機都唔得，
同事就可能要攞「清潔飛」，入落閘機的卡槽道。內裡的磁粉、灰塵同人體油脂，
就會留喺「清潔飛」的凹凸坑紋，一般每部閘機收 3 - 5次「清潔飛」就恢復正常

又因「清潔飛」上沒有資料，所以每邊都有個口，好似智能飛咁毋分方向插入。
入左之後，東、西鐵、馬鞍山綫的閘機，就會顯示 Error Code 17，即係話閘機
讀到佢係 Blank Ticket，再退番出嚟

由於智能飛的卡槽設計十分簡單，而感應器又毋須接觸車票，所以「清潔飛」
依家都係鐵路文物的一分子 

~~~~~~~~~~

在「港鐵車站藝術 ─ 藝術管道」舉行的「港鐵車票珍藏展 – 車票之旅35載」，
亦有展示這款「清潔用車票」：

簡介：  別小看這片小小的票子，它是特製的清潔用車票，是專門用來
             清潔閘機內磁粉及微塵的簡單工具。右邊的已使用的清潔車票，
             可看到點點的污漬。

~~~~~~~~~~