東鐵「烏蠅頭」列車 (退役)

東鐵「烏蠅頭」列車  。
                                                   ( 圖片引用自互聯網  / 版權為其擁有者所有 )


【轉貼】     【咦我哋係唔係喺邊度見過？】    2022.03.14
有無諗過，列車扶手及座椅會出現喺列車以外嘅地方？
隨住東鐵綫將延伸過海，服務咗東鐵綫多年嘅中期翻新列車 ( 俗稱烏蠅頭 ) ，將會陸陸續續「退休」啦！
早前我哋分別同「港鐵社區聯網」嘅合作伙伴一齊策劃，並安排港鐵義工隊將部分列車組件分身成老友記
屋企嘅健身器材同學校嘅休憇空間，等列車可以用另一個方式繼續服務社會。
即刻睇片了解吓退役列車嘅變身過程啦!     videos/791457791814102

【轉貼】    。     2022.03.14
東鐵「烏蠅頭」列車剩7列未退役　港鐵擬贈教育團體或機構保育               
東鐵線過海段預計於今年6月至7月通車，需要悉數轉用9卡列車，現時提供服務，鐵路迷俗稱「烏蠅頭」
的12卡中期翻新列車將會全數退役。港鐵表示，目前尚有7列「烏蠅頭」仍在行駛。港鐵有意保留這些
服務香港數十載的列車部件，甚至有意推出先導計劃，捐出整卡列車予教育團體或其他機構作保育。
。 。
部份退役列車的部件，則以另一面貌繼續為港人服務。港鐵總工場經理梁偉文運用創意，將部份已退役
的12卡列車，車廂內的扶手、吊環等，改裝成為健身器材予長者使用，甚至將扶手安裝在長者家中廁所，
作防滑扶手，讓長者出入如廁時，都能緊握扶手以防跌倒。
。。
陪伴港人近40年的東鐵線「烏蠅頭」列車，於1996年逐步翻新至現時模樣，隨過海段即將通車，
「烏蠅頭」列車會全數退役。港鐵總工場經理梁偉文說，現時只剩下7列12卡車仍提供服務，
不少列車已經退役，並交由承辦商拆解回收。
。。。。
車廂扶手轉贈長者改善家居　成浴室防滑扶手
梁偉文在何東樓車廠工作30年，見證該批「烏蠅頭」12卡列車翻新，維修工作遇上眾多挑戰。至有新一代
列車取替，都有幸配合可以一齊見證，希望可以在12卡列車退役時，可以用回部分零件，並思考如何保存。
。。。
身為港鐵義工團主席的他，有日經過公園時靈機一觸，與同事合作，把列車的扶手吊環及車廂部件改裝成
健身器材，並安裝到長者家中，讓長者在家可以繼續運動；長者有時如廁後或會站不穩，拆下的列車扶手
亦重新安裝到長者家中洗手間，讓長者搭車以外都要「緊握扶手」防跌倒。港鐵指，至今已經捐出49組
四人座椅、11組扶手吊環及車廂部件，以及5組車廂扶手。
。。
港鐵總經理（鐵道車輛維修）李劍雄說，今次是港鐵首次處理如此大規模的退役列車，已找來合資格
承辦商處理退役車廂部件，當中部份部件為鋁及鐵，可回收循環使用，而未能回收的部件，就會在香港
以環保方法處理。
。。 。
籌劃「退役列車保 ‧ 傳」先導計劃　邀請團體探討善用退役列車
李亦透露，除拆除部件捐予社區外，正籌劃「退役列車保 ‧ 傳」先導計劃，將邀請團體共同探討善用退役
列車回饋社會，宣揚保育及傳承。他說，正與學校或機構接洽，希望可以捐贈列車作教育用途，但就如何
付運仍要商討，期望今年下半年可以成事。
列車部件將變成長者家居健身器材，或重置作休憩用途：。。

被問到會否如現時巴士公司向學校捐出退役巴士做法，捐贈完整車卡到學校。他表示，正探討具體做法，
而東鐵退役列車會作為先導計劃，再視乎情況，未來或推展至其他港鐵列車退役計劃中。

正研究「黃頭車」保育可行性　或送到博物館
港鐵車廠內，亦有保留少量12卡列車翻新前的前身「黃頭車」車卡。港鐵過去曾稱，會想辦法保育「黃頭車」，
李劍雄說，「黃頭車」早前曾在何東樓出現，會繼續研究保育的可行性，有機會送去博物館或其他地方。
被問到最後一列12卡「烏蠅頭」列車退役時，會否有告別活動。
李指，聽到市民聲音，但疫情下要再觀察，如有活動將會再公布。

【轉貼】   。          2022.03.14
                     【咦我哋係唔係喺邊度見過？】    videos/791457791814102
有無諗過，列車扶手及座椅會出現喺列車以外嘅地方？
隨住東鐵綫將延伸過海，服務咗東鐵綫多年嘅中期翻新列車(俗稱烏蠅頭)，將會陸陸續續「退休」啦！
早前我哋分別同「港鐵社區聯網」嘅合作伙伴一齊策劃，並安排港鐵義工隊將部分列車組件分身成
老友記屋企嘅健身器材同學校嘅休憇空間，等列車可以用另一個方式繼續服務社會。
即刻睇片了解吓退役列車嘅變身過程啦!
【轉貼】    。     2022.03.20
                      【百年鐵路東鐵綫 – 列車演變史I】
鐵路陪伴香港人過百年，由蒸汽火車、柴油火車到電氣化火車，營造咗一代又一代嘅回憶。
你又記唔記得第一次搭火車嗰陣，係邊款列車？
頭等車廂係東鐵綫（以前叫九廣鐵路）其中一個特色，頭等車卡都會跟住過海段通車去到港島區㗎 ！
想知多啲東鐵綫列車嘅歷史? 我哋搜尋咗唔同列車嘅珍貴相片，會一連兩集同大家分享，快啲撳入嚟睇下！
下集會同大家介紹返近代嘅車款，Stay tuned 😎
。。。
【當年嘅頭等卡】現時嘅頭等車廂擁有舒適嘅座位及空間，而初代頭等車卡係「房卡」，私隱度相當高。
喺九廣鐵路客運服務首日(1910年10月2日)，有240名乘客登上首班車，當中有100人就係乘坐頭等車廂！
圖為1955年頭等車廂。
【無上蓋列車】沙頭角支綫喺1921年通車，係一條已經停用嘅鐵路，營運咗16年，來往粉嶺及沙頭角。
支綫以單綫行車，而鐵路亦係窄軌鐵路，只有610毫米闊，所以支綫用嘅火車頭都相當「窈窕」！
最初嘅沙頭角支綫車卡並無上蓋，乘客需側坐喺車卡上，日曬雨淋！支綫其中一個站「洪嶺站」，
現時為三級歷史建築。
【香港區間車】二戰前有柴油動力車行駛新界鄉郊地區，1936年其中一架動力車經改裝後命名為
「大埔淑女」號， 平日用作頭等客卡，星期六就負責接載乘客到粉嶺打高爾夫球。另一架動力車
則命名為「廣州淑女」，來往上水至大埔墟。圖為大埔淑女。
。。。
【三等車廂】1955年嘅三等車廂車身為深綠色，當時車廂裏面設有電風扇，座椅為有木板椅背嘅長條型木椅，
上方亦有設計簡單嘅行李架。1974年，第二等及第三等嘅分等收費被取消，改以普通等代替。
【柴油機車51號與52號】呢兩架機車喺1955年運到香港，是首兩架在港行走嘅柴油電動機車。
柴油電動機車除咗比蒸氣機車更安全，亦更為節省燃料。當年九鐵更為兩架機車命名，分別為
當時港督「葛量洪爵士號」及其夫人「「慕蓮夫人號」，係首次有機車頭以人名命名。
【柴油機車59號】喺東鐵電氣化之前，柴油機車一直肩負重任，幫手拉動客車。東鐵綫曾經有4架呢款
柴油機車，編號56至59，每一架均以九鐵公司管理層命名；圖中嘅59號機車為「霍士傑號」。
東鐵電氣化後，柴油機車就轉為幫手拉動貨卡，2010年就再改變功能變身成夜間工程車。
宜家佢個同伴「柴油機車51號」已被送到香港鐵路博物館展出，有機會可以探下佢啊！
【轉貼】   。     2022.03.22
                      【百年鐵路東鐵綫 – 列車演變史II】
上次介紹咗東鐵綫嘅各位列車同機車前輩，今次就睇睇各款近代列車。事實上，每次引入新車種服務市民，
都代表住鐵路踏入新里程！好似唔少朋友情有獨鐘嘅黃頭火車，就係當年東鐵綫步入電氣化新時代嘅重要
標誌，而 R-Train 現代列車亦會帶領東鐵綫走入過海新時代！
【都城嘉慕列車】都城嘉慕列車係東鐵綫電氣化之後嘅首款列車，車頭係黃色，即係大家平時叫開嘅
「黃頭」火車。「黃頭」係東鐵綫由過往柴油改為以高架電纜通電推動，並改為雙軌設計後嘅首款
現代化列車，大大增加咗班次及載客量。當時嘅「黃頭」火車唔止設有頭等車卡，仲有行李倉及洗手間，
車廂設計以橙色座位為主。「黃頭」火車喺1999年10月31日退役。v=NxBFv3i12XY
[政府宣傳片] 1983年 -九廣鐵路局 生命寶貴 遠離路軌 v=5YcQaR0SWDk
[經典廣告] 1983年 - 九廣鐵路     ［ 重製舊廣告］1983年九廣鐵路廣告重製     [經典廣告] 1983年 - 九廣鐵路
。。。
【中期翻新列車】90年代中期，為咗配合東鐵綫嘅客量需求，「黃頭」火車開始進行中期翻新工程，
變成大家俗稱嘅「烏蠅頭」(MLR)。隨著東鐵綫延伸過海，「烏蠅頭」會陸續光榮退役喇！
     [經典廣告] 1988年 - KCRC 九廣鐵路     [經典廣告] 1989年 - KCRC 九廣鐵路
【近畿川崎列車】由日本製造嘅近畿川崎列車，型號為SP1900，亦係唔少鐵路迷鐘愛嘅「千九公主」，
由2001年開始喺東鐵綫為乘客服務。2021年「千九公主」完成喺東鐵綫嘅任務，以車序號碼「886」
(「拜拜囉」諧音)駛回車廠。重新改裝後，「千九公主」會轉去屯馬綫再同大家見面！
【R-Train現代列車】身為電氣化第四代列車嘅R-Train，係現時東鐵綫最新型號嘅車款，將會帶領
東鐵綫跨越維多利亞港，等新界居民可以「一take過」到達港島，帶來更方便嘅鐵路旅程。
【轉貼】   。     2022.05.02
                      【📣咪走寶！MLR有獎問答遊戲】
東鐵綫過海段即將投入服務，到時將全面以新列車運作，而大家關注嘅中期翻新列車(MLR)亦會退役。
知道乘客同鐵路迷都好唔捨得，所以我哋特別送出限量版MLR嘅扶手環部件🤩，見物如見車，畀大家
珍藏、留個紀念！我哋會喺5月3日中午12點，喺東鐵綫過海段官方網站推出問答遊戲，頭100位最快
答啱晒問題嘅參加者，就可以獲得限量版MLR扶手環部件一個！唔好錯過呀！東鐵綫過海段官方網站
👉🏼 https://mtreastraillinecrossharbourextension.hk
。。。。
【轉貼】   。     2022.05.04
                      【MLR 感謝你！】     videos/1516033232125417   |   videos/3176863475904111
東鐵綫好快就會全面以新列車運作，而中期翻新列車 ( MLR - Mid-Life Refurbishment ) 將會完成任務🙂
MLR 服務咗大家幾十年，連繫著大家嘅日常生活，真係由細睇到我哋大…… 為咗多謝佢哋過去咁多年
日復一日辛勤服務我哋，我哋將會喺5月6日(星期五) 向 MLR 表達謝意！
                     
下午1點一架載客 MLR 會喺紅磡站1號月台準備，然後開往沙田站，並會短暫停留喺沙田站1號月台，
大家可以同佢影多幾張相留念。 我哋到時會喺現場直播整個過程㗎，未能出席嘅鐵路迷當日記得
密切留意我哋嘅 Facebook 直播啦！
小編溫提一下各位 MLR 嘅 Fans，知道大家都好唔捨得，但無論搭車定打卡，記得注意安全，
同時要顧及其他乘客，仲要避免阻礙正常車務運作呀！
【轉貼】   。     2022.05.06
                      【再見 MLR！】     videos/532800428245080
中期翻新列車 (MLR) 今日同大家講再見喇，我哋特意記錄咗MLR由今朝出車，到完成服務市民嘅歷史一刻，
大家可以一齊見證 MLR 退役前最後一日嘅英姿！MLR，多謝你！🙏 承先啟後，東鐵綫之後就會交由
Oppa Train 服務市民，載住大家一程東鐵過海！
乘客感謝中期翻新列車用心服務數十載    
https://www.mtr.com.hk/archive/corporate/en/press_release/PR-22-033-C.pdf
東鐵綫中期翻新列車(又名 MLR)已服務乘客數十載，於 2022.05.06 完成載客任務後退役。
乘客及鐵路迷紛紛親臨東鐵綫車站或於網上隔空向 MLR 表達謝意。
為了紀念過去四十載風雨不休服務乘客的 MLR 榮休，不少乘客特意乘搭今天一班由紅磡站
開往沙田站的最後班次。港鐵公司特意在列車上提供有關 MLR 的資料，除了讓乘客更了解
此列車的歷史，並一同見證 MLR 列車完成服務的一刻。
列車在抵達沙田站後更稍作停留，讓乘客及鐵路迷拍照留念。
MLR 列車前身是九廣鐵路於 1982.05.06 投入服務的第一代電氣化火車，又稱「黃頭」。
其後「黃頭」於一九九六至九九年期間進行中期翻新工程成為 MLR 列車。港鐵公司一直
探討不同方案，以可持續方式妥善處理退役列車，包括透過「退役列車保‧傳先導計劃」，
將部分列車部件捐贈予社區伙伴作教育等用途。
東鐵綫將於 2022.05.15 延伸過海。全長四十六公里的東鐵綫將會以全新的9卡列車全面
代替12卡車列車及信號系統，更便捷地接載乘客一程貫通港九新界。

                                                     ~~~~~~~~~~~~~~~~~~~~
        ( 由於平台版面限制，設定頁數導致點擊「各綫通車」分類 / 標籤時未能顯示所有發放文章，
           只能點擊「 45------ E ------ 東鐵綫 »»」按圖案 條目參閱全文，不便之處，敬希見諒！ )
                                                     ~~~~~~~~~~~~~~~~~~~~

【轉貼】。     2022.03.23
                   【緊急救援達人挑戰 – 呢架車叫乜名？】
。。。。
踏入試營運嘅東鐵綫過海段，通車前又點少得做好一系列演習？
今日凌晨我哋就同相關救援部門做咗一次緊急救援演習，模擬列車發生事故時嘅緊急
應變、疏散同救援工作，仲出動埋備用隧道車輛，俾緊急救援人員迅速到達事發地點！
除咗演習，試營運仲有乜嘢準備工作？ 即刻喺《鐵仔角落》專頁，跟住鐵仔了解多啲！
【轉貼】     。     2022.04.06
                  【機車光榮告別東鐵綫】     v=1130499427790121
為咗準備東鐵綫過海段通車，我哋一直努力 upgrade 緊東鐵綫嘅設施同系統。
其中，由九廣鐵路引入、喺小編都未出世就已經服務緊香港嘅柴油機車60號
( Peter Quick ) 就嚟50歲，完成咗佢嘅歷史任務。
上星期，佢喺清晨由沙田站被運去羅湖編組站。小編當晚亦有幸喺現場見證整個過程。
列車平時就見得多，咁近距離欣賞柴油機車真係第一次，搞到小編好似見明星咁，
心動嘅感覺出曬嚟😍即刻欣賞佢最後一次喺東鐵綫正綫上嘅英姿！
【轉貼】。     2022.04.21
                  【換個新look，「千九」返嚟見大家見面喇🎉】   v=386566423330147
為咗進一步提升屯馬綫嘅服務，之前我哋將服務過東鐵綫嘅「千九」列車頭等車廂，
運返去佢哋嘅鄉下日本改裝，其中3卡改裝好嘅車卡已經返咗香港八鄉車廠，小編當晚
當然有親身迎接佢哋回歸啦，翻新咗嘅車廂真係好~靚~啊😍！喺做完測試同檢查後，
佢哋就會陸續加入屯馬綫車隊服務乘客，大家到時就可以正式見到佢哋嘅英姿喇！