狐獴三胞胎
。 meerkathttps://www.oceanpark.com.hk/tc/press-release/brand-new-little-meerkat .....
。
。
。( 圖片引用自互聯網 / 版權為其擁有者所有 )
海洋公園共有 20隻狐獴 ( 源自非洲 ) ，其中五隻約一年前 ( 2019 ) 由澳洲南部的
動物園送達公園。牠們迅速適應園內環境和生活，組成兩個家庭並誕下15隻寶寶。
【轉貼】 海洋公園嘅小狐獴分別組成2大家族，佢哋嘅性格原來好唔同！ 2020.07.02
MATA 家族好奇心重又大膽，鍾意周圍探索， 【護理員日記 - 小狐獴】
三胞胎狐獴BB「茶走」、「齋啡」、「鴛鴦」都係來自呢個家族。而
HATA 家族就小心謹慎，鍾意默默觀察四周動靜。
狐獴喜歡集體行動，互補不足，集合族群的力量一同面對逆境。訪客可從狐獴身上
學習克盡己任，適時為別人提供協助，應付生活上的各項挑戰。
狐獴進駐 2020.06.29 隆重揭幕的全新動物展館「小狐獴與大象龜之旅」。
港產狐獴寶寶舉行命名投票活動
。
公園早前在 Facebook 為三隻年幼港產狐獴寶寶舉行命名投票活動，結果今天新鮮出爐。
「茶走」、「齋啡」和「鴛鴦」的一組名字共獲得 4,112人投票支持，佔總參與人數的接近一半，
正式成為寶寶的名字。由於小狐獴的毛色近似港式特飲，這組名字切合了牠們的外貌色彩及出生地，
凸顯香港獨特文化。
可愛狐獴三胞胎成長花絮
【小狐獴成長日記1】- videos/2677227579202125
【小狐獴成長日記2】- videos/1017596465362153
【小狐獴成長日記3】- videos/674774136453351
由粉絲投票命名的茶走、齋啡及鴛鴦於 2020.02.27 出生，一個月大時體重只有約 200克，現已增磅
至約800克。牠們最喜歡吃昆蟲和肉類，幼年期的狐獴一天可以吃 70-80克食物（幼年期與成年所需
的食物量並不一樣）。 三胞胎外貌和性格各異：
。
。• 茶走毛色較淡，臉上帶有淡淡的白色，就像化了妝一樣，性格好動又「八卦」，喜歡探聽護理員說話。
• 齋啡毛髮偏啡，性格文靜。
• 鴛鴦則如名字一樣，毛髮呈啡白色，性格較為慢熱，喜歡靜靜觀察。
。
。
。 狐獴寶寶精力旺盛，每天早上約七時醒來便會到處探索、互相追逐和玩相撲，有時更會挑戰體型較大的
哥哥姐姐，而相撲亦是狐獴家族其中一種提升關係的社交及家庭活動。
中午吃過午餐，牠們會抱在一起小睡片刻，黃昏再返回室內巢穴睡覺。
。
。
。三胞胎最近更開始學習站崗，與哥哥姐姐「排排企」，但因體力或注意力未及哥哥姊姊，站立數分鐘
便會擅離崗位去玩玩具，還未能認真「企定定」當哨兵。 videos/283765709544565
2021.02.28【小狐獴三胞胎：茶走、 齋啡同鴛鴦一歲啦!】
。
。
。
。 2021.05.30 【狐獴三胞胎出道啦！
。 Mee-racle 正式登場！✨】 呢幾日天氣咁熱，係咪好想飲返杯「港式凍飲」呢？公園嘅狐獴三胞胎，就自組一隊世紀組合，
為大家送上「勁歌熱舞」，帶你哋認識狐獴嘅全新一面！
小編同大家鄭重介紹，公園嘅「沙漠天團」Mee-racle 出道啦！🥰 一齊睇吓佢哋有咩感言先～
⭐傻更更嘅 茶走：「我企C位呀！媽咪我得咗啦！🥳 今晚要食大餐賀吓佢先～」
⭐美男子 鴛鴦：「 做偶像最緊要就係形象！我咁靚仔一定係帥氣擔當啦！」
⭐好勝寶寶 齋啡：「我做咩事都會盡力，咁先係認真嘅乖寶寶！」
冇錯啦！Mee-racle 就係上年喺公園出世嘅狐獴三胞胎：茶走、齋啡同鴛鴦！
大家都有份幫手改名㗎～團名象徵住三胞胎嘅「奇蹟」身份，想知道佢哋
三個會喺沙漠界炳著咩新火花？就等小編定期同大家分享啦～🤩
2021.05.30 【Mee-racle 親自教你‼️
三胞胎分辨大法】 ⚪茶走：「大家都咁鍾意我哋 Mee-racle，搞到我有啲怕羞添～ (〃▽〃)」
⚫齋啡：「但大家都好似唔係好識分我哋咁嘅？」（認真睇晒粉絲嘅留言）
🟤鴛鴦：「大家覺得隻隻狐獴都一樣樣，唔通真係隻隻都一樣咩？」
最簡單分辦 Mee-racle 成員嘅方法，就係睇佢哋嘅「膚色」，因為係同佢哋個名互相呼應㗎～
比較白嘅就係茶走，佢亦都係 Mee-racle 入面最大隻，所以就做埋C位啦！
💪 齋啡就顧「名」思義比較黑，有時會比人「黑面」嘅感覺（但其實係個認真嘅好孩子），
體型係三隻入面最細嗰～鴛鴦嘅「膚色」就介乎兩者中間，而佢嘅身高係三隻入面最高㗎！
😎 小編今次就同大家直擊吓 Mee-racle 平時嘅玩樂日常，即刻去片睇吓先！👀
2021.06.09 【 Mee-racle 拍 MV？】
做得偶像，Mee-racle 都好想有朝一日出到佢哋嘅概念大碟，所以佢哋每日都好努力咁練習㗎！
練唱歌、練大隻、練擺 Pose……目標係成為獨當一面嘅偶像！
作為隊長嘅齋啡，每朝十點都會準時練習，順便叫醒埋茶走同鴛鴦～之後仲會一齊鍛鍊吓體能——玩「相撲」！
每次嘅「相撲」冠軍，都會提議大家一齊去做一樣嘢，而今次贏咗嘅美男子鴛鴦，就忽發奇想……
鴛鴦：「今日我哋好齊「獴」，一於喺度拍 MV 啦！」
齋啡：「拍MV？拍MV……好喎！！！」
茶走：「MV？係咪食得㗎？」
就係咁，沙漠天團 Mee-racle 終於拍咗第一個 MV，而家等我哋一齊率先睇吓MV嘅預告先啦～
（唔知幾時會有歌聽呢？）
2021.06.13 【黑面「獴」嘅困擾📷】
。齋啡：人哋影相我影相，點解我點樣都係黑面嘅……
茶走：放鬆啲啦香港獴～
鴛鴦：咁你塊面又真係黑吖嘛！
齋啡：雖然我影相天生黑面，但我內心好溫柔㗎～T_T
有冇朋友仔同齋啡一樣，唔笑就成日畀人以為係黑面？🥺 留言話畀小編知啦～
。我個樣只係生得比較認真，唔係黑面。（by 齋啡） 2021.06.16 【Mee-racle 全新 MV 概念照公開！】
。 茶走：「平時我哋行開可愛路線，不如今次嘅概念照轉一轉風格，畀啲新鮮感大家啦～」
鴛鴦：「既然我哋有天然眼影，今次一於 Chok 住行型格路線啦！😎」
齋啡：「我都覺得我企得特別有型！不過好緊張呀，唔知大家鍾唔鐘意呢😖？」
事不宜遲！即刻睇吓 Mee-racle 出盡渾身解數，擺出最型、最 Chok 嘅 Pose 影嘅概念照啦！
唔知大家鍾唔鍾意佢哋呢個新形象呢？✨不如留言話畀 Mee-racle 知啦～🙌
。
。
。 2021.06.20 【Mee-racle 假日二三事】
。 適逢今日係父親節，Mee-racle 難得唔使練習。三子決定抖吓，順便接見佢哋嘅粉絲！
（入園嘅朋友快啲帶爸爸嚟追「星」啦🤣！）
點知...（有圖有真相，Click 入相睇吓發生咩事啦😉！）
鴛鴦：（同粉絲合照完）你哋唔去影相，留喺度做咩呀？
齋啡：（表示好無奈）你問吓小學獴（望住茶走）做咗啲咩！😒😑
茶走：Err…😝放假最緊要開心！各位父親節快樂！🎉
#小道消息：聽聞Mee-racle下個星期會接受佢哋嘅第一個訪問，粉絲們有冇咩問題想問吓佢哋？留言話我哋知啦！
。
。
。
。 
。
。
。
。 2021.06.20 【「沙漠天團」獨家訪問：Mee-racle
。請大家多多指教！】 Mee-racle 出咗道都有一段日子，今次終於有機會同佢哋進行首次嘅雜誌專訪！
👩💻記者：你哋好呀 Mee-racle，不如你哋自我介紹吓先？
茶走：好呀！呢個問題問得真係好，我哋都好樂意解答你嘅問題！
鴛鴦：我哋嘅目標係喺公園激發大家對狐獴同港式飲品嘅熱愛
齋啡：我哋三個係魅力四射嘅偶像——茶走、鴛鴦、齋啡！
茶走：我哋「沙漠天團」不嬲都係「奇蹟」嘅代表！絕對係沙漠嘅明日之星～
Ｍee-racle：冇錯啦～Mee-r！
睇得出 Ｍee-racle 對今次嘅訪問準備充足！想睇足本內容，就 Click 入 MeerMag 啦！
。
。
。 2021.06.27 【Mee-racle 之「狐獴的愛」！❤️】
。 鴛鴦：聽講啲偶像攬埋一齊，啲粉絲就會好開心～
齋啡：真係㗎？好啦～（抱）
茶走：吓！點解你哋攬攬唔預埋我……
鴛鴦：我哋三個大男「獴」，好似可以拍返套《狐獴的愛》喎！點算呀，你哋係咪要嚟爭我呀？(ﾟДﾟ)
茶走：……我都係走先。😐
2021.06.30 【Mee-racle 二揀一！要落雨定陽光？】
。最近幾乎日日都落雨，今日終於有陽光，Mee-racle 都可以出嚟玩啦！
鴛鴦：有陽光就唔怕凍～唔駛抱抱都夠暖呀！
茶走：不如我哋今日一齊出去玩啦！
齋啡：好呀！（行出去一步）◉‿◉……嘩，好曬呀，都係唔出去啦。
其實落雨又有咩好怕喎～雖然落雨有時會令我哋覺得好麻煩，不過有適當嘅降雨量，
狐獴嘅棲息地先唔會愈嚟愈乾旱，佢哋先可以繁殖！我哋先可以見到咁可愛嘅 Mee-racle 咋！
2021.07.04 【齋啡嘅黑面迷因🌚】
。 之前同大家提過，齋啡嘅「膚色」特別黑，搞到其他人成日以為佢好惡……但其實佢都好多搞笑嘅行為㗎！
齋啡：嗯？係咪有人叫我？ಠ_ಠ
。
。
。 狐獴天生嘅黑色眼影，其實好似帶左副黑超咁保護雙眼免被太陽曬傷。雖然副超喺齋啡身上，
就好似令到佢塊面更加「黑」。不過由於齋啡體型細細粒，反而有種「反差萌」！佢仲有個特別
嘅習慣——每朝早企定定，望住遠方大聲「練歌」！當佢回頭一望時，真係唔知佢係咪嬲緊呀！😂
🤣🤣🤣不如大家都試吓幫齋啡配吓對白，睇吓會唔會有咩搞笑效果啦！
。
。
。 2021.07.11 【跌嘢唔好揾🎶 跌嘢唔好忟🎶】
。 所有狐獴都一個共通愛好，就係「挖窿」啦！Mee-racle 亦都一樣，最鍾意左搵右搵，
唔知佢哋搵緊咩呢？不過，小編就肯定，茶走係搵緊嘢食！
作為「環保小先鋒」嘅茶走，喺食嘢方面，完全身體力行咁實踐「咪嘥嘢」精神～
佢從來都唔浪費食物，成日都會將散落喺地上嘅食得一乾二淨㗎！
茶走：唔搵佢，真係會走返出嚟？ಥ_ಥ
你有冇朋友好似茶走咁，從來都唔浪費食物，一粒米都要夾埋嚟食呢？Tag 佢哋出嚟讚吓先啦！
2021.07.14 【Mee-racle 終於出MV真的很興奮~🎶】videos/338936361183825
出嚟啦！出嚟啦！一班「獴粉」等到頸都長嘅 Mee-racle 完整版 MV終於要面世啦🔥
「沙漠天團」Mee-racle 三子 — 茶走、鴛鴦同齋啡對於自己人生第一條 MV 表示
十分滿意同興奮！喺片入面佢哋展現咗活潑可愛嘅一面，加埋輕快嘅配樂，
帶畀一眾粉絲活力同歡樂！相信喺不久嘅將來佢哋絕對可以成為獨當一面嘅偶像！
齋啡: 「隊長我真係好開心呀！！等咗好耐終於出啦～ 」
茶走: 「我有好多人要多謝，首先係屋企人，之後係咁多位護理員哥哥姐姐 (≧∇≦)… 」
鴛鴦: 「 最緊要係我哋班粉絲呀！希望大家鐘意啦！MEER ! 」
即刻撳入去睇 Mee-racle 嘅第一支 MV 啦！記得睇多幾次刷多啲 views，畀多啲鼓勵佢哋，
😍 同留言話畀佢哋知你對MV 嘅睇法，等佢哋未來可以做得更好！
2021.07.18 【陪住茶走 過一日🥰】
。Mee-racle 出道咗一排，都知道粉絲想睇多啲偶像嘅「特寫鏡頭」。
一於等小編受大家分享吓 Mee-racle 三子各自嘅日常點滴啦！打頭陣嘅係——茶走！
呢位每日都超級活躍，日日都想玩唔停、食唔停嘅C位，一日嘅生活會係點過呢？
。
。
。 2021.07.22 【Mee-racle成員出現「爭執」😱？】 videos/236965048275134
Mee-racle 練歌練咁耐，終於完成咗佢哋嘅MV啦！而家就緊係要好好休息吓先～
每日佢哋都食飽、玩飽、瞓飽，仲要玩餐飽添！🤩 不過今日好似有啲特別事發生喎！
⚫齋啡：「今日我要好好輕鬆吓～咦！你做咩自私玩呀？」
🟤鴛鴦：「err...玩一陣咋嘛…」
⚪茶走：「做咩呀？發生咩事？😗」
引發 Mee-racle 成員之爭嘅「玩具」，到底係咩來頭呢？其實呢啲係環境豐容物，
除咗可以為佢哋生活環境帶嚟更多變化之外，仲可以提高佢哋嘅靈敏度，同埋強身健體添！
💪 作為大家嘅偶像，個body就緊係要 keep 住咁 fit 啦～
尤其狐獴咁鍾意「挖」嘢，搜索食物類型嘅玩具就最受佢哋歡迎啦！😆
2021.07.25
。 【鴛鴦每一日都係咁優雅～】 上個星期日，大家就見到茶走每日有幾咁 hyper～😂
今次小編就同你哋睇吓 Mee-racle嘅「顏值擔當」鴛鴦嘅日常生活先！
鴛鴦平時好斯文，行為舉止都好優雅～作為一名美男「獴」，佢好注重儀容整潔，
亦都係一個暖男理髮師，成日幫其他成員梳理毛髮～種種優點都令到佢魅力沒法擋呀！
💗 真係「迷戀你地老天荒也好」～🎵
。
。
。鴛鴦：大家唔好太迷戀我呀～😉
2021.07.29
。 【第一屆Mee-racle 奧運會開始啦！💪💪💪】 🟤鴛鴦：「呢排睇東奧嘅賽事，真係好熱血呀！🔥」
⚪茶走：「係呀！！！睇到我都好想瘋狂做運動！」
⚫齋啡：「👏一於叫埋其他狐獴，舉辦第一屆嘅 Mee-racle 奧運會啦！」
睇嚟Mee-racle 同一班狐獴都興致勃勃喎～唔知佢哋呢個奧運會有咩項目呢？
等我哋即刻去片睇吓先！👉 平時Mee-racle 玩咁多環境豐容物，videos/4986956154664805
今次係一個大好機會，畀佢哋同其他狐獴一齊互動，一齊投入緊張又刺激嘅奧運賽事呀！😆
2021.08.05
。 【Mee-racle話事「獴」！隊長齋啡勤力嘅日常🤩】 
。
。
。 一個團隊入面，要有個 hyper 識搞氣氛嘅成員，又有「顏值擔當」，咁仲差啲咩呢？ 🤔 緊係個話得事
嘅「人」啦！今次就等小編帶大家去睇吓壓軸出場嘅 Mee-racle 大佬——齋啡嘅日常生活啦 ! 👀
身為隊長，齋啡對自己要求好高！佢每朝都會起身練歌，保持最佳狀態！🌟 自己練完之後，仲會
仲會集合埋其他成員一齊練習～完美展現自己嘅領䄂風範！不過喺休息時間，佢就可以靜靜地唞吓～
因為「休息係為咗走更長嘅路」嘛！😛
齋啡：見到奧運入面個個運動員都咁努力，等我都加把勁先啦！
一齊嗌一聲，為出戰嘅香港運動員打打氣先！MEER‼️
2021.08.15
。 【打卡唔洗愁📸！Mee-racle教你擺「甫士」秘笈✨】 
。
。
。每逢假期嘅指定活動，都唔少得同朋友仔出街打卡，影吓相㗎啦🤳🏻！想影靚相但又唔知擺咩「甫士」好？
唔洗驚！等我哋嘅專業偶像 Mee-racle，親身教大家影相嘅擺 pose 祕技啦！😎
📢 茶走：留心學嘢啦，包你成為全場焦點呀😏！Follow "Mee"~
大家嚟公園探狐獴嘅時候，成日都見到佢哋周圍望～到底佢哋望緊咩呢？原來狐獴到處張望嘅原因，
係要觀察四周嘅環境有冇危險，必要時可以通知同伴避開～💨
至於Mee-racle 頭擰擰四圍望，都係想望吓咁多位「Mee 粉」🤩，揾個最佳角度畀大家影靚相呀～🤪
2021.08.22
。 【化身「MEME-racle」‼️鴛鴦大放 meme 圖福利🤣】
。
。
。Mee-racle 作為專業偶像團體，做好表情管理係好重要！不過 「再鋒利嘅刀，都會有生銹嘅一日」，
我哋嘅專業偶像，都會有失手嘅一日。🤪 今日鴛鴦就喺「獴」查查之際，畀鏡頭捕捉到佢嘅驚訝樣‼️
大方嘅佢決定化身「MEME-racle」，大放 meme 圖福利～🎉 一齊嚟睇吓有冇講中你嘅心聲啦！
鴛鴦：吓！咁都畀你哋影到？😱 不過唔緊要啦，我點影都咁靚仔～
係啦係啦～小編冇你咁牙尖嘴利！🤭話時話，狐獴嘅牙齒都真係好尖㗎～雖然「獴」仔細細，
但佢哋原來有34至40隻牙齒！方便佢哋捕捉獵物呀嘛～
各位「MEE粉」記得捕住我哋嘅 Facebook 同 Instagram，睇佢哋嘅搞笑 moment 啦！🤩
2021.08.29
。 【Mee-racle 童年照片大公開❣️】「時日太快 🎵 無知的小孩一晚長大～」 講樣嘢畀大家知，其實Mee-racle 三子係上年，
2020年2月27日出世㗎～即係佢哋而家只係1歲半大咋！🤩 睇返佢哋BB 時候嘅相，
細細粒咁真係勁可愛呀！你哋又認唔認得到佢哋邊個打邊個呢？
茶走、鴛鴦同齋啡細細個就成日黐埋一齊，名符其實「串燒三兄弟」咁嘅樣！
🥰 身為群居動物嘅狐獴，家族成員嘅感情非常之好，哥哥姐姐們都會好照顧細佬妹，
仲會幫佢哋搵嘢食添！唔怪得Mee-racle 三隻仔都咁健康啦～
2021.09.05
。 【「You are not a 窿！」有Mee-racle陪住你！ 】 有時突然覺得好lonely 😭 就會好想搵個「樹窿」傾吓計！
不過 Mee-racle 似乎就冇呢個煩惱啦，因為佢哋無時無刻，都會好想挖「窿」！
佢哋仲會喺地底挖出一個又一個地底洞穴，作為佢哋嘅屋企㗎～
雖然狐獴天性好鍾意挖窿 🕳️ 但佢哋就絕對唔「窿ly」！你哋睇吓，就算茶走成日都擺烏龍，
其他成員都一樣會幫佢㗎～😚 想化解寂寞，不如入嚟公園探下 Mee-racle，咁咪唔再 lonely 囉！
2021.09.12
。 【掰掰啦～Mee-racle 嘅 weekend！】🟤鴛鴦：茶走，聽講話會打風喎～你唔好周圍走啦！
⚫齋啡：個風好似又話吹走咗啦～
⚪茶走：…我個 weekend，就咁就冇咗啦！😭
又話打孖風，結果個風就打孖走！搞到茶走假期都冇埞走啦～🥲雖然打唔成風都係一件好事，
但嚟到颱風季，打風都係好正常嘅天氣現象嚟！🌧️好多狐獴嘅棲息地，其實都受到氣候變化
嘅影響㗎，降雨量變少，令到佢哋嘅居住環境愈嚟愈乾旱，影響狐獴嘅繁殖率呀！
🥺 如果你都想守護可愛嘅Mee-racle 同其他狐獴，記得喺日常生活中減少碳排放呀！
2021.09.26
。 【過節食太多搞到「面獴獴」🥮⁉️ 茶走懷疑「獴」生 🥴】 啱啱過完中秋節，大家都會同屋企人一齊「食燈籠，玩月餅」共度佳節～🥳 不過大時大節，
成日唔覺意食多咗…🤭 而 Mee-racle 喺過去嘅中秋節，都食得非常滿足～平時最為食嘅茶走，
都食到「面獴獴」咁樣！
⚪茶走：「中秋好似食太多…好似真係肥咗…點算😵💫」
有時候望住佢哋個「獴」樣，真係連小編我都懵埋一份呀！🤣 不過可能係因為狐獴天生
眼周嘅部分顏色較深，好似自帶黑眼圈咁，令到佢哋個樣有時睇落去好似懷疑緊「獴」生
～不過呢對「黑眼圈」，就好似天然太陽眼鏡咁，可以保護狐獴嘅雙眼免受陽光傷害㗎～😎
🥺 如果你都想守護可愛嘅Mee-racle 同其他狐獴，記得喺日常生活中減少碳排放呀！
2021.10.24
。 【陽光就係最好嘅filter！Mee-racle 陽光「浴」照首度公開！】 
。
。
。最近天氣開始涼啦～🍂 最啱出去散吓步，享受和煦嘅陽光！連 Mee-racle 今日都出嚟曬個陽光浴呀！
曬太陽嘅同時，點少得影靚相打卡呢？🤳🏻 睇吓我哋嘅專業偶像點樣利用陽光，影出一系列嘅
「呃like」靚相啦～📷
鴛鴦：有太陽仲洗咩落 filter～不過我咁靚仔，點影都咁靚啦！😚
上次同咁多位「Mee粉」提過，狐獴嘅「黑眼圈」其實係佢哋天生嘅黑超嚟！😎 所以狐獴都有一種
天生神技——直視陽光！☀️ 生活喺沙漠地區嘅狐獴，要避開天敵嘅攻擊，首先要克服到喺烈日當空下，
保持視野清晰！👀 所以呢副「黑超」，就可以幫佢哋減低陽光對眼睛嘅傷害，保護自己同埋一眾同伴啦～
2021.11.07
。 【本是同根生 「偷食」何太急🥲】 Mee-racle 雖然一世「獴」三兄弟，但美食當前，都係可以即刻「反面」！
🤣 狐獴之間最興就係玩「相撲」，而Mee-racle 當中，最鍾意用「相撲」挑機嘅——就係齋啡啦～
性格認真嘅佢，當發現有人「偷食」，就會叫佢決一勝負！😤（雖然細粒嘅齋啡成日都輸…）
今次齋啡就懷疑鴛鴦偷走咗大家嘅零食，不過做兄弟嘅，「本是同根生」呀！齋啡～～停口呀～～😫😫😫
不過大家唔駛擔心，狐獴作為群居動物，成日都會一齊玩「相撲」，呢啲都係佢哋一家人相處嘅日常嚟㗎～
2021.11.14
。 【🌟Mee-racle 提提你：記得飲多啲水呀！💧】 今個星期凍咗好多呀～天氣又凍又乾，Mee-racle 都展現出暖男嘅一面——大家記住飲多啲水呀！
🥺 唔知大家入嚟公園，有冇咁幸運捕捉到偶像飲水嘅珍貴畫面呢？😳 videos/476882740291158
生活喺沙漠地區嘅狐獴，最鍾意食充滿水份嘅食物嚟「補水」！沙漠嘅氣溫又高又乾燥，
狐獴要保持體內有足夠水份，先唔會出現脫水情況。如果「飲」唔夠水，肌肉會衰退
甚至減少生長添！😢 所以大家記住見「Mee」飲水，咁先可以保持健康活力嘅體魄！
2021.11.28
。 【「反白眼」之鬼？🙄 Mee-racle 反白眼唔係冇原因！😤】 日常生活中，當我哋遇到唔如意嘅事，都會「反白眼」表示無奈……🤦♀️
不過，Mee-racle「反白眼」嘅原因，大家又知唔知呢？😜
🟤鴛鴦：我「反白眼」都反得靚仔過人！！🤪
⚪茶走：（禮貌而不失尷尬的微笑）
狐獴喺沙漠地區，最鍾意就係掘洞！不過就會揚起好多泥塵！
😶🌫️ 呢個時候就要靠「反白眼」—— 狐獴嘅眼睛天生就有塊薄膜，
當掘洞或者遇上泥塵時，就會自動打開，保護眼睛，避免有沙入眼～🕶️
全靠小小一塊薄膜，鴛鴦先可以 keep 住 bling bling 眼咋！✨
2021.12.02
。 【來吧～同鴛鴦一齊倒轉地球～🌏】 身為專業偶像嘅 Mee-racle，最想就係為大家「送走擔憂」！
😎 為大家帶嚟快樂，係偶像最想做到嘅事～鴛鴦呢排就翻唱咗大熱歌曲，同大家「倒轉地球」！
我哋一齊水潑式揮手，捧吓場先啦！🤣 鴛鴦嘅「站立式」台風真係非常有特色！😍
我哋成日都會見到狐獴挺起胸膛，雙手擺前，時不時周圍望吓咁。
原來狐獴係一眼關七，睇吓附近有冇敵人，以保護家族成員呀！
2021.12.10
。 【今年熱搜榜出爐啦！】 2021年熱搜榜出爐啦！🔥 雖然榜上無名，但 Mee-racle 依然好努力，希望終有一日會上到
「沙漠界偶像組合」熱搜！你哋睇吓佢哋咁期待、咁熱切嘅眼神，真係見到都想為佢哋打氣呀！🥺
唔知大家又有冇搜尋過「狐獴」呢？🔎狐獴係一種群居動物，所以每次見到佢哋，都係一大班「獴」
咁樣出沒！不過有一樣嘢，你就可能唔知啦……🤭 就係佢哋嘅體重！
今次小編同大家公開佢哋體重嘅秘密——就係佢哋其實都好輕！好似 Meeralce 三子咁，
鴛鴦同茶走重1.2公斤；齋啡就重1.1公斤～果然係偶像，體重管理真係做得好好呀～😍
2021.12.26
。 videos/433059678358826 【Happy Boxing Day！一齊同 Mee-racle 拆晒啲禮物啦~】
又到咗成個聖誕最期待嘅一日— Boxing Day 啦！🎁 忍咗幾日終於可以拆禮物😎~
今日 Mee-racle 都叫埋成班屋企人，開咗場拆禮物大會！
茶走：點解份禮物咁香嘅？係麵包蟲嘅味道呀！😆
鴛鴦：食得斯文啲～唔好咁心急啦～
齋啡：唔知道屋下面會唔會都收埋咗禮物呢？🤤
貪玩嘅狐獴天生就好鍾意「拆」嘢同掘洞🕳️，所以當佢哋拆開晒啲禮物嘅時候，
轉頭就即刻開始準備拆屋啦🤣 狐獴嘅前足比較長，雙爪亦都好大力，用嚟拆禮物
就啱哂啦~ 今個聖誕，唔知各位「Mee」粉又收到乜嘢難忘嘅禮物呢？留言話畀 Mee-racle 知啦！
2022.01.03
。 【Mee-racle：新年同屋企人過最重要！ 】 踏入2022年，大家有咩新年願望呢？☺️ 想食極唔肥、身體健康、青春常駐？
我哋嘅沙漠天團，Mee-racle 嘅願望就想同最錫嘅屋企人過啦～💕 即使係為食擔當嘅茶走，
都想同屋企人 Happy share 㗎！因為一家人一齊，幾時都係咁開心！
狐獴最鍾意就係挖窿，一個又一個地底洞穴，就係佢哋最warm嘅屋企！
🏠 Mee-racle 都祝大家新一年「家肥屋潤」，夢想成真呀！Happy “MeeW” Year ! 🎉
2022.01.12
。 【Mee-racle內心世界大公開：好心急想同大家再見面🥺！】
原本滿心歡喜準備好舉辦粉絲見面會嘅Mee-racle，知道要臨時取消嘅時候，都難掩失落之情~☹️
呢兩日 Mee-racle 都頭耷耷，個心又囉囉孿咁🥺 不過佢哋都好快重整好心態，因為對於一向寵粉嘅
Mee-racle 嚟講，「Mee粉」們嘅健康先係最緊要呀！
（鴛鴦內心世界）：我…我好掛住成班「Mee粉」呀！😭
🟤鴛鴦：為咗大家嘅健康我哋唔怕等！😤
原來狐獴喺長達上千萬年嘅捕食過程間，身體經已發展出一套免疫毒素嘅系統，可以話係「百毒不侵」㗎！
🤩 所以咁多位「Mee 粉」唔洗太擔心偶像住～貼心嘅Mee-racle仲請我哋叮囑大家要先照顧好自己嘅身體，
好快就可以同佢哋見吓面，影吓相㗎啦！🥰
2022.01.17
。 【到底邊個神秘訪客嚟咗探 Mee-racle 呢？】 Mee-racle三子嘅魅力早就傳遍成個公園😎，唔少動物fans都好想同佢哋見面呀❤️！
最近就有一位「Mee粉」忍唔住追星嘅衝動😳，嚟咗「小狐獴與大象龜之旅」搵佢哋！
大家一齊留言估吓係邊個咁幸運可以同偶像近距離見面啦🤣～
2022.01.18
。【開估… 小爪水獺追星實錄！？👀】 videos/1285768028567680
小爪水獺雖然作爲榮譽「Mee 粉」✨，原來從未有真正機會見到 Mee-racle ，
所以今次佢趁住公園冇乜人就偷偷地去追星呀😗！
到底偶像同粉絲嘅相遇會有咩火花？立即睇片，睇下佢哋玩得幾開心啦❤️！
玩之餘大家仲做足防疫措施，所以佢哋見面時係好安全㗎!
佢哋可以透過玻璃見到, 聽到同聞到對方，但唔會直接接觸到㗎,
連 high five 都會隔住玻璃🙌！安排佢哋見面嘅主要目的其實係為咗帶畀佢哋一個新體驗，
可以當作為「環境豐容物」㗎~
大家不如留言話比小編知，你哋仲想見到邊啲動物見面呢🤩？
2022.01.20
。 【一呼百應📢！究竟茶走call 緊乜？】 「Call…Call…Call~🎵」最近 Mee-racle 練習嘅時候，茶走成日都發出「Call Call」咁嘅聲音，
令到成個家族都放低做緊嘅嘢，爭住應佢！但始終無人知道其實佢係call 緊邊個...🤔
Mata 家族：Are you Calling me? 🤨
🟤茶走：其實我只係唱緊歌咋...😛
為咗保護家人嘅安全，狐獴會站哨以便視察危險。當發現威脅出現嘅時候🚨，
佢地只要大聲一call，就可以提醒同伴及早逃生💨！
圖入面除咗Mee-racle之外，仲包括咗佢哋嘅屋企人～
唔知各位眼利嘅「Mee粉」又認唔認到齋啡同鴛鴦呢？留言話我哋知啦！🤪
2022.01.20
。 【躺平主義！Mee-racle最愛嘅竟然係...?】 仲有幾日就到農曆新年🧧，唔少人都開始 holiday mood，就連我哋嘅偶像 Mee-racle 都唔例外呀！
🤤 今日茶走決定實行「躺平主義」，攤喺到咩都唔做～
🟤茶走：我最愛「躺」！齋啡你都快啲過嚟一齊攤啦～
⚪齋啡：（瞓低～）
其實狐獴最鍾意就係瞓喺到，沐浴於陽光之中☀️，以保持身體溫暖～趁住放長假，
各位「Mee粉」不妨好似 Mee-racle 咁攤喺屋企，好好休息啦～
2022.02.10
。 【長假後嘅 Mee-racle~ 你係咪都一樣😂？】 新年嘅時候，Mee-racle 三子都出咗去同親戚拜年，玩得好開心~ 所以茶走都仲未
接受到長假期結束🥺，攤咗喺到唔願郁，想繼續放假🤣！
茶走：過年日日都玩到好攰，等我休息吓先(´-ω-`) !
齋啡：偶像嘅訓練係唔可以停㗎~ 快啲起身一齊練習啦🥸！
作為群居動物，狐獴平時好鐘意癡埋一齊㗎！所以當佢哋見到其中一個瞓咗喺到，
都會走過去陪佢，或者叫佢一齊起身玩❤️ 唔怪得佢哋三子感情咁好啦！
2022.02.14
。 【💯糖黐豆!! Mee-racle 高調「放閃」⁉️】 今日就係情人節啦！🥳 就連 Mee-racle 都話要一齊應吓節，放吓閃✨！講緊佢地嘅兄弟情呀！
😆齋啡同鴛鴦嘅日常，同熱戀中嘅情侶真係有幾分相似㗎😎～佢哋一時就糖黐豆、甜到漏😚，
一時就火星撞地球！🤣 就連茶走都無眼睇佢哋呀！😛🙈
齋啡：就算單身又有咩好怕喎～同重視嘅人一齊過就得啦！（攬～）
狐獴作為群居動物，當然好重視同同伴之間嘅感情同關係啦～所以佢哋成日都會黐埋一齊、
打打鬧鬧，增進感情！重情重義嘅 Mee-racle 就祝大家桃花滿滿🌸，每日都係情人節～💌🥰
2022.02.23
。 【偶像嘅形狀？】 尖啲？圓啲？粗啲？幼啲？係狐獴嘅世界，佢哋每一個嘅尾巴都有少少唔同㗎😎~
無論係咩形狀，只要畀啲自信，欣賞自己嘅身體，大家都可以係自己嘅偶像❤️!
2022.02.27
。 【齊歡呼！同慶賀 Mee-racle 3子 2️⃣ 歲生日快樂！】 （Sunday！Mee-racle 等緊你！）嗯~哼！ 因為今日係我哋實偶派沙漠天團 Mee-racle 3子嘅誕生日😆，
小編都忍唔住改咗段歌詞賀一賀佢💪🏻！佢哋由一出世開始就由經理人兼動物飼養員悉心照料🥸！
喺短短嘅兩年間已經茁壯成長，成為獨當一面嘅偶像啦😳！喺狐獴嘅世界，2️⃣ 歲就已經要準備好
成家立室，係大個仔嘅時期嚟㗎！經理人表示，以前得得意意好似一嚿雲，今日開始就要認認真真😎！
嘩！只係兩年咋，Mee-racle 就已經擁有咁多粉絲，成為沙漠天團，嚟緊大家都要繼續留意佢哋嘅最新動向呀❤️！
2022.03.05
。 【提早放暑假做咩好？】 「提早暑假，投奔初夏～」最近宣佈咗三、四月學校會提早放暑假，我哋嘅Meer-acle即刻好期待見到大家😆！
但當佢出嚟望吓大家去到邊嘅時侯，先發現出面已經無晒人啦❗
鴛鴦：大家去晒邊？我。。。我好想同大家玩呀！（T—T）
齋啡：而家非常時期就唔好周圍走啦！
呢段時間大家都要注意身體，希望可以快啲同大家見面啦❤️！
~~~~~~~~~~
海洋公園「動物寶寶」目錄：https://ticketsz.blogspot.com/2011/06/bb.html
( 由於平台版面限制，設定頁數導致點擊「海洋公園今昔」分類 / 標籤時未能顯示所有發放文章，
只能點擊以上連結參閱全文，不便之處，敬希見諒！ )
~~~~~~~~~~
沒有留言:
張貼留言