海洋公園再有五隻小爪水獺在公園出世

海洋公園再有五隻小爪水獺在公園出世     Asian small-clawed otter

【轉貼】     【好消息🎊🎊公園再有小爪水獺出世 !】        2021.06.21
琴日父親節，見到好多人同爸爸嚟咗公園玩！唔知大家有冇去探吓公園嘅小爪水獺呢？
📢小編收到消息，五隻小爪水獺寶寶6月6號喺公園出咗世啦！💕今次已經係水獺媽媽阿分嘅第三胎啦～
小爪水獺寶寶而家大約兩個星期大，為咗畀媽媽可以專心湊佢哋，護理員會盡量減少對佢哋帶嚟騷擾。
所以寶寶們而家主要由母乳餵哺🤱～而護理員就會幫水獺一家清潔屋企，定時更換稻草同餵飼其他成員，
亦會每日觀察住寶寶嘅健康狀況！即刻去片見吓公園嘅新血啦！     videos/522714072378429
大家都快啲留言恭喜媽媽阿分啦！希望遲啲可以快啲喺公園見到佢哋！👀😍
【轉貼】      。                                 2021.06.21
               【東奧正式完結！💪 感謝一班香港運動員付出嘅努力！ 】
東京奧運會今日順利落幕啦！恭喜晒咁多位得獎運動員，同時多謝每一位香港運動員，你哋嘅表現令
香港人感到十分驕傲！
🔥 連公園一班小爪水獺 BB，都擺出奧運五環標誌，可能佢哋都想同參戰奧運嘅港隊成員表達謝意呀！
出戰奧運相信係好多運動員嘅夢想，雖然今次香港人未能現場見證，但透過鏡頭，我哋都睇到你哋夢想
成真嘅時刻！👏 再次感謝香港運動員所付出嘅時間同努力，期待你哋嚟緊其他賽事上嘅超凡表現呀！
[ Vets Diary 📔 : Otter Pups❤️ ]    
                                                       ( 圖片引用自互聯網 / 版權為其擁有者所有 )
【轉貼】 【獸醫日記 — 小爪水獺篇❤️】     videos/296294855641076     2021.10.11
最近收到唔少留言，大家都好想知道更多公園背後照顧動物嘅故事🤤 其實除咗動物護理員，
獸醫團隊嘅功勞都不能忽視！嚟緊一系列嘅「獸醫日記」會以第一身嘅角度同大家探究獸醫
嘅工作日常。今集等我哋去睇吓小爪水獺嘅身體檢查啦！
早前一個月大嘅小爪水獺 Scarlett、Coral、Amber、Khaki 同 Navy 進行咗第一次獸醫檢查，
公園獸醫 Sarah Churgin 仔細地檢查佢哋嘅口腔、心跳同確認性別。檢查過程中，小爪水獺
都表現放鬆。一輪檢查後，Sarah 表示五隻剛出世嘅小爪水獺都非常健康！
獸醫嘅工作內容相當廣泛，除咗為動物進行身體檢查外，佢哋亦會提供唔同嘅治療~
如果你想了解更多獸醫嘅工作，就要Mark 實之後嘅「獸醫日記」啦！
💡保育小貼士： 想要保護小爪水獺等生活喺淡水嘅動物，唔一定要成為獸醫嘅，我哋只要改變日常生活
                          習慣，都可以出一分力！平時去行山或者露營等戶外活動時，記得要妥善處理好廢物，
                          並喺離開時帶走所有垃圾，咁就唔會污染到水源，並且保護到佢哋嘅家園！

~~~~~~~~~~
海洋公園「動物寶寶」目錄：https://ticketsz.blogspot.com/2011/06/bb.html
   ( 由於平台版面限制，設定頁數導致點擊「海洋公園今昔」分類 / 標籤時未能顯示所有發放文章，
     只能點擊以上連結參閱全文，不便之處，敬希見諒！ )
~~~~~~~~~~