東鐵綫過海段 East Rail Line Cross-Harbour Extension
https://MTREastRailLineCrossHarbourExtension.hk/tc
( 圖片引用自互聯網 / 版權為其擁有者所有 )
。
。 ~~~~~~~~~~
MTR「各綫通車」車票集：http://ticketsz.blogspot.hk/1979/10/mtr.html
( 由於平台版面限制，設定頁數導致點擊「各綫通車」分類 / 標籤時未能顯示所有發放文章，
只能點擊「 45------ E ------ 東鐵綫 »»」按圖案條目參閱全文，不便之處，敬希見諒！ )
~~~~~~~~~~
。
。 
。
【轉貼】
。 2022.05.12 【一撳即玩 －東鐵綫達人挑戰】
。
。
。知道您好想要東鐵綫過海段紀念襟章，我哋特登準備咗個達人挑戰，挑戰吓大家對呢條百年鐵路
有幾認識，答得最高分就有機會贏到一套16個襟章！
玩法好簡單：
1. 立即「讚好 / Like」MTR Facebook 專頁
2. 撳👉🏻 https://forms.gle/n2SXQKB7q4D7xzYs7
3. 答問題同提交答案
4. 完成後，在此帖文留言，話俾小編知你嘅成績！
最高分嘅100位參加者，可以贏得精美嘅東鐵綫過海段紀念襟章套裝乙套！假如有參加者同分，
則會以提交表格嘅先後次序而決定入圍資格。有獎遊戲結束後，小編將會 PM 各位入圍嘅得獎者~
遊戲喺2022年5月13日下午11:59分就會截止架喇～準備好接招？即刻撳 link 玩啦！
活動受條款及細則約束：https://bit.ly/37hNj0h
【轉貼】
。 2022.05.08 
【東鐵綫過海段通車有獎遊戲】
過海仲塞隧道？#東鐵綫過海段 通車後，由紅磡站過海到會展站只需約5分鐘，簡直係興奮到模糊啊！
更驚喜嘅係，鐵仔準備咗個小遊戲，只要捕捉到由東鐵綫紅磡站搭鐵去會展站所需嘅車程時間，
再分享你期待東鐵綫過海段通車嘅原因，就有機會得到別注版口罩㗎啦！
遊戲玩法：
1. 立即「讚好 / Like」MTR Facebook 專頁；
2. 在此帖文下留言作答，答案須包括兩部分：
一. cap 圖 ( 截圖 ) 顯示列車停喺會展站，而圖中左上角計時器顯示紅磡站到會展站嘅正確車程時間；
二. 分享「我好期待東鐵綫過海段通車，因為...」
3. Cap 圖成功捕捉到正確時間，而又被小編選中為最有創意及意義期待東鐵綫過海段通車原因嘅100位
入圍者，將獲得 #東鐵綫別注版3層防護口罩乙盒，我哋會喺活動完結後PM各位入圍者！
( 東鐵綫別注版3層防護口罩：https://www.facebook.com/mtrhk/posts/10167052477300151 )
活動將於2022年5月11日下午11:59分截止，快啲叫埋朋友仔一齊參加啦！
活動受條款及細則約束：https://bit.ly/3ye9hw8
【轉貼】
。 2022.05.08 【東鐵綫別版3層防護口罩】
聽聞...... 東鐵綫過海段除咗帶嚟一程東鐵過海嘅方便，仲有好多 #粉絲必儲 嘅紀念品❗
呢度一套5款口罩以紅磡站、會展站及金鐘站，同埋大圍站、九龍塘站呢兩個轉綫站
嘅車站顏色同圖案做設計藍本。想要？記得聽日(5月9日)留意我哋個 page 啦！
【轉貼】
。
。
。 【東鐵綫過海段 WhatsApp Stickers 出世喇！】 2022.05.08
啲 friends 齊晒人但爭你一個，全世界喺個 group 到問你去到邊？唔敢/唔想打字講🤐？
用我哋精心準備嘅「過緊海」系列stickers喇 ： 過緊海5分鐘後到 #唔駛塞隧道好興奮
過咗對面海 等你輕輕鬆鬆搭東鐵綫過海時，簡單一個 sticker 就交代晒！
同場仲有埋16個東鐵綫車站 stickers，一套 stickers 滿足晒大家嘅願望！
即刻喺MTR Mobile下載：https://link.mtrmb.mtr.com.hk/moblink/?whatsappsticker
【轉貼】
。 2022.05.03 【東鐵綫提速企劃 - 冇人講就等我哋講😎】
知道大家好多時都追求 唔駛急最緊要快💨，東鐵綫由今個星期六 ( 5月7日 ) 起，將會全綫
採用新列車，整體車程會更快，上水去紅磡每程快咗約５分鐘！ 未夠快？當東鐵綫5月15日
延伸過海之後，因為用咗紅磡站新月台，將會快啲，由上水至紅磡每程會比而家快咗約８分鐘！
【轉貼】
。
。
。 【東鐵綫過海段 車站搶先睇！】videos/1120089431898910 2022.05.05
5月15日東鐵綫過海段通車喇🤩！當中三個車站 - 分別係變身成超級車站嘅金鐘站、
升級為連接東西南北嘅紅磡站、同埋新落成嘅會展站！想知過海段會帶嚟咩新體驗？
咩係「水記憶」？轉綫安排又係點？金鐘站匯聚邊4條鐵路綫呢？
即刻 Click 以下 link 去片先睹為快！
四綫轉乘 金鐘站：https://youtu.be/MytrE-J4vJ4
全新車站 會展站：https://youtu.be/77-jqmUhO7U
升級變身 紅磡站：https://youtu.be/-EaKpB2MdwQ
【轉貼】
。 2022.04.28 【東鐵綫過海段一人之境 #3】
。
。
。好快大家喺紅磡站轉乘屯馬綫↔️東鐵綫，只需行上下兩層月台就得喇，極方便~
小編有機會入到未開放區域，見到啲新設施同標示真係好興奮😃 但都要提提大家
千祈唔好提早揭開啲標示貼紙啵，因為鍾意鐵路嘅各位都想通車嗰陣，乘客得到
準確嘅資訊嘛，你話係唔係？😉
【轉貼】
。 2022.04.27 【東鐵綫過海段一人之境 #2】
。
。
。有乜方便得過一個站可以輕鬆轉乘4條綫？東鐵綫過海段通車後金鐘站就會變成#4綫轉乘
超級車站，仲會係港鐵網絡內設有最多不同長度月台嘅車站，小編入到金鐘站擴建部分，
擴建部分，見到啲自然光透過中庭天窗引入車站，諗起日後經過呢度搭車轉車都份外醒神呀😆～
【轉貼】
。 2022.04.25 【東鐵綫過海段一人之境 #1】
。
。
。早前睇咗東鐵綫過海段工程介紹，小編深深覺得鐵路工程真係好唔簡單，尤其係喺唔影響
營運中嘅鐵路服務嗰陣，一步一步咁小心興建新鐵路綫！小編 #真的好興奮，所以特登去
#紅磡站 #會展站 #金鐘站 先睹為快👀，仲忍唔住影咗幾張相...🙈 😚 今次睇住會展站先～
【轉貼】
。 2022.04.23 【東鐵綫建築篇 – 金鐘站開「深」大發現】 videos/1120806175433028
東鐵綫過海段通車後，金鐘站就會搖身一變成為四綫轉乘嘅超級車站✨！要變身超級車站，
金鐘站喺繼續服務大家嘅呢段時間內，其實喺地底一直默默升級，想知工程團隊點樣可以
喺唔影響港島綫同荃灣綫運作下，喺金鐘鬧巿中心進行達17層樓深嘅開鑿，為車站興建多
三層地下樓層？即刻睇片了解了解多啲呢個難度系數係五粒星嘅任務啦！
#紅磡站 #會展站 #金鐘站 先睹為快👀，仲忍唔住影咗幾張相...🙈 😚 今次睇住會展站先～
【轉貼】
。 2022.04.14 【東鐵綫建築篇 – 等你可以乘列車跨過大海🌊】 videos/683430459377939
東鐵綫過海段將東鐵綫由紅磡經第四條過海鐵路隧道穿越維港，再經過香港最繁忙嘅金融中心
同主要交通幹道下地底直達金鐘。當大家喺地面如常搭車搭船嘅時候，平行時空下地底同海底
又做緊咩呢？即刻同大家睇睇呢項「乘列車跨過大海」嘅工程！如果想知多啲隧道工程嘅得意嘢,
亦歡迎大家去 《鐵仔角落》專頁睇新一期嘅故仔－《地底探秘》~
https://mtreastraillinecrossharbourextension.hk/tc
【轉貼】
。 2022.04.02 【車站車廂找不同🚈】
。
。大家最近有無留意到車站同列車車廂都有啲細微變化？細心嘅你都應該估到呢啲係東鐵綫過海段
通車嘅前期工作😎我哋最近正陸續喺車站同車廂開始更換指示牌，為通車做好準備！
【轉貼】
。 2022.03.16 【有圖！金鐘站新相流出👀！】
。
。因為工作需要，金鐘站部分圍板會暫時移除，咁就暴露咗後面嘅範圍。不過，呢啲部分兩日後就會封返，
直到東鐵綫過海段通車首日，先至會正式啓用。期間限定嘅嘢，等小編即刻同大家分享下！
【轉貼】
2022.02.04 【那日下晝 我登上落馬洲開往金鐘的東鐵綫列車】 videos/303245988531894
小編期待已久，終於登上試營運緊嘅東鐵綫過海段列車，由落馬洲一程搭到去金鐘，真係好快好方便！
拒絕自肥 – 即刻為大家送上車長視角！未夠喉？撳呢度睇埋試車期間途經沿綫咁多個車站嘅片段啦！
【轉貼】
2022.01.31 【東鐵綫過海段試營運啦！】 videos/518041869540282
貫通港九新界嘅 #東鐵綫過海段 今日正式踏入 #試營運 階段啦！試營運階段代表工程團隊已經大致完成
建造工程嘅任務，嚟緊就會由營運團隊接力，進行通車前嘅準備工作，包括鐵路服務同車站設施嘅系統
測試、列車試運行同埋一系列嘅演練，務求通車之後為乘客帶嚟最好嘅服務！
建造團隊同營運團隊交接前後有乜嘢準備功夫？點解試營運咁重要？一齊睇下就知啦！
。
。 https://www.mtr.com.hk/archive/corporate/en/press_release/PR-22-006-C.pdf
【轉貼】
2022.01.24 【速報：東鐵綫過海段列車測試進入下一階段！】 videos/242055001411165
為咗準備東鐵綫過海段，各個團隊都喺度密密做緊各項準備工作，繼12月完成咗信號系統嘅壓力測試後，
我哋尋晚 ( 1月24日 ) 亦開始咗另一階段嘅列車測試，有11列列車行走東鐵綫部分現有路段，並經過
第四條鐵路過海隧道，去到會展站同金鐘站啦！今次測試係為咗模擬通車後嘅列車服務表現，包括
列車埋站嘅情況同是否準時等。測試將會陸續喺1月底至4月個別夜晚嘅非行車時間進行。
小編有少少尋晚列車入新月台嘅片段，立即俾大家睇睇！
【轉貼】
2022.01.23 【東鐵綫新列車預備工作花絮 🎥 】 videos/2729651070514720
東鐵綫過海段通車後，大家就可以搭全新韓仔 Rotem 列車，又快又方便咁來回港島同新界！
其實每架新列車投入服務前，都要經過一連串嚴謹檢查同埋測試，先可以正式同大家見面🚆！
而家就為大家送上列車預備花絮，睇下新列車喺由初到埗直至投入服務前嘅各項準備工作啦！
有咗東鐵綫過海段同屯馬綫，以後去東南西北都咁方便！
【轉貼】
2022.01.15 東鐵綫過海段即將納入正綫範圍 更大規模測試將於稍後展開
根據消息，鐵路公司的工程部門正加緊完成東鐵綫過海段的各項主要工程，並已定於 2022.01.31 清晨正式
「交棒」予營運部門，以將其編入東鐵綫正綫，為之後進行更大規模的試車做好準備。此外，據鐵路公司內
部 流傳，相關部門將盡力壓縮各項測試及新列車投入的所需時間，務求使東鐵綫過海段能夠比已公佈的六或
七月份更早投入服務。期間，Riders 將與各位繼續緊貼東鐵綫的最新變化，為大家提供最新最準的資訊！
東鐵綫過海段通車後，標誌著組成沙中綫項目的兩條鐵路綫全部投入服務。不過在沙中綫項目的所有工程中，
仍有如東鐵綫現有車站安裝自動月台閘門（Automatic Platform Gate, APG），月台伸縮踏板（Mechanical
Gap Filler, MGF）及屯馬綫紅磡站附近彎位再超高化（Recant）等工程有待完成。這些工程項目預計將對
東鐵及屯馬兩綫的運作，構成不同程度的影響。因此，我們將於東鐵綫過海段通車後，繼續帶大家關注
沙中綫餘下的工程項目。
有關東鐵綫過海段：
作為「沙田至中環綫項目」的一部分，東鐵綫服務將會延伸過海至香港島。往市區方向的東鐵綫列車由旺角
東站開出後，會經過新建的地底隧道進入紅磡站，位於現時屯馬綫月台下方的新月台。及後走綫會途經本港
第四條過海鐵路隧道，到達新建的會展站。東鐵綫最後將會以金鐘站為終點站，並與港島綫，南港島綫和
荃灣綫交匯。
【轉貼】
。 2022.01.06 【今日小變動 日後大變身】 videos/1199300643933735
早幾日小編同大家講過，我哋準備緊金鐘站迎接東鐵綫過海。最新 update 係：喺金鐘站嘅東鐵綫
月台幕門前嘅圍板已被陸續移走👌 為咗安全起見，月台幕門前放咗摺疊閘，而我哋會繼續喺摺疊閘
後面嘅範圍做測試，大家記住要小心啲，唔好行近呀！
【轉貼】
2022.01.06 【喺紅磡站行落一層就可以轉東鐵綫】 videos/472563897769725
我哋正密鑼緊鼓準備緊東鐵綫過海段，除咗新會展站同金鐘站擴建部分，紅磡站都做緊改善工程，
通車之後大家喺屯馬綫轉東鐵綫只需落一層就可以，更方便快捷！快啲睇下之後大堂通道嘅安排啦~
【轉貼】
。 2022.01.05 【今日經過金鐘站，有無察覺有啲嘢唔同咗？】
東鐵綫過海段通車之後，金鐘站就會變身成為四綫轉乘嘅車站！我哋一直為通車做好準備，最近兩組
連接未來東鐵綫月台同港島綫/荃灣綫月台嘅扶手電梯已經完成咗相關工程，所以我哋正逐步移除緊
覆蓋嘅範圍，方便之後嘅檢測工作，咁就可以喺東鐵綫過海段通車時服務大家啦！
唔止咁，車站其他範圍亦陸續做緊唔同嘅準備工作，例如會移走東鐵綫月台幕門前嘅圍板，
逐步幫金鐘站迎接東鐵綫過海啦！
【轉貼】
。 2021.12.20 【東鐵綫過海段全綫行車測試🚇】
早喺11月底，東鐵綫過海段已經開始喺非行車時間進行全綫列車動態測試，即係以行駛緊嘅列車為
唔同鐵路系統進行最後嘅法定檢測工作，當中信號系統就喺早幾日 ( 12月18號凌晨 ) 進行咗壓力測試，
模擬繁忙時段行駛最密班次嘅運作情況，確保整體可靠性符合要求。
。
。 嚟緊幾個月我哋會繼續進行同完成餘下法定檢測工作，為下一個重要階段做好準備！
【轉貼】
。 2021.11.30 東鐵綫過海段全新設計曝光 – 講緊嘅係東鐵綫過海段新網站 😆
東鐵綫過海段工程全速前進 videos/966576183937506
新網站今日正式面世，一站式為大家提供新站新路綫嘅資訊，仲有咗唔少新車站相等大家先睹為快！
我哋會不時喺網站 分享新延綫嘅最新消息，快啲 bookmark 啦！
https://mtreastraillinecrossharbourextension.hk/tc/news/newsletter_nov2021
。【轉貼】
。 2021.11.30 東鐵綫過海段預計喺下年6至7月通車，到時一程東鐵過海就更快更方便！
我哋會不時同大家開心 share 過海段嘅最新消息，記得密切留意喇！
東鐵綫過海段一程東鐵過海貫通港九新界 會展站 金鐘站
【轉貼】
2021.11.05 東鐵綫過海段工程全速前進 videos/187011213518654
由新界過海？東鐵綫過海段預計明年6至7月通車，到時唔使再轉車，一程東鐵綫就可以過海喇！
喺唔同團隊連月來不斷嘅努力下，多項主要工程都取得顯著進展，包括新軌道接駁工程已經全部完成，
而信號同電力系統亦已經貫通東鐵綫現有車站同延伸過海後嘅新會展站及金鐘站。
全綫正式踏入測試階段！Go Go Go ，一齊朝目標通車日期進發！
【轉貼】
。 2021.10.23 【金鐘站新擴建部分一隅】
東鐵綫過海段預計會喺明年6至7月通車，作為東鐵綫新終點站嘅金鐘站，我哋一直為站內不同設施進行提升✨
聽日起 (10月24日)，大家就可以經未來東鐵綫月台層嘅新扶手電梯直接去到港島綫及荃灣綫月台。至於原有嘅
兩組扶手電梯就會暫時停用，到時記得留意指示，車站亦會安排同事協助大家適應新安排。
眼利嘅你，相信到時搭新扶手梯嗰陣都會留意到懸掛喺中庭嘅新車站藝術，以及採用自然透光嘅天窗設計。
好期待？東鐵綫過海段一通車，大家就可以欣賞佢哋全貌喇！
【轉貼】
2021.10.22 東鐵綫過海段 將會喺2022年6至7月通車喇🚇 videos/436264581251277
之後大家搭東鐵綫由新界北、九龍中出發，唔駛轉車就可以經紅磡站及灣仔北新建嘅會展站，一程直達南行
新終點站 - 金鐘站，為大家來往新界、灣仔北、金鐘嘅商貿會展同藝術文化地帶，提供更快更方便嘅選擇！
2021.10.22 港鐵東鐵綫預計於明年六至七月延伸至港島區
http://www.mtr.com.hk/archive/corporate/en/press_release/PR-21-067-C.pdf
港鐵東鐵綫將會向南伸延，過海段由現有東鐵綫的紅磡終點站延伸至金鐘作新終點站，
並途經新建於灣仔北的會展站。通車後的東鐵綫將成為香港第四條過海鐵路，貫通
新界東北、九龍中及香港島，東鐵綫乘客毋須轉綫即可直達灣仔北及金鐘一帶的商貿、
會展及金融中心。 全線通車後將由金鐘直達羅湖或落馬洲站。
。
。同時會有四個轉車站，連接現有的五條鐵路綫。
。
。 工程和營運團隊連月來的努力下，東鐵綫兩項關鍵工序，包括紅磡站以北的新舊路軌
接駁工程，以及新信號系統和新列車投入服務均進展順利；在金鐘站及會展站的工程
亦進度良好。港鐵會致力確保餘下工程順利進行，並與相關的政府部門協調，按時
完成各項所需的測試及試營運，讓過海段及早竣工，投入服務市民。
2021.06.17 【轉貼】 東鐵綫會喺 2022年搬到新月台 ( 紅磡站 ) videos/544772933209907
2021.06.07 【紅磡站大變「新」成升級轉綫樞紐】 videos/334569618052132
https://ticketsz.blogspot.com/2021/06/huh.html
2020.11.12 會展站平頂
http://www.mtr.com.hk/archive/corporate/en/press_release/PR-20-074-C.pdf
會展站於 2020.11.12 平頂，標誌著將東鐵綫穿越維港延伸至金鐘站的新鐵路段工程邁進另一重要里程。
會展站平頂亦意味著「紅磡至金鐘段」的土木工程大致完成，位於灣仔北中心地帶的會展站將成為嶄新的
接駁點，會展站是採用三層設計的地底車站，設有兩個車站出入口連接區內現有的行人設施及附近商廈，
方便世界各地商貿專業人士經會展站前往香港其中一個商貿與會議及展覽活動中心。
沒有留言:
張貼留言